Objeggd-Nr.: SCP-153-DE
Glassifiziarung: Sicha
Sichaheidsmoßnohma: Des Gländ, wo des SCP-153-DE sted, is vo da Foundation aufkafft worn, mit am Maschndrohd umazaind und des Objeggd mit a so Bauplana unta dem Forwand vo a Restaurierarei gompled verhuid worn. Des Gländ is vo fümpf Sichaheidsgräft' zum b' wocha, de wo Eidringling' untaram Einsodz ned-dödlicha Gwoit dingfesd z' mocha und zum amnesizian ham.

SCP-153-DE vor eahm seina Vahüllung.
Bschreiwung: SCP-153-DE is a Tuamruin' in da Oafel, de wo laud de bishärign Erkenndnissn ausm 18. Joahundad stamma duad. Des Objeggd bsitsd an Äffegd, der an jehm, der des Objeggt zum b'schreim versuachd, dös in aram deidschn Dialegd duan lassd. Dowei is's wurschd, ob des in verbala oda schriftlicha Foam g'schied.
SCP-153-DE is am End' vom Zwoadn Wäidgriag vo dem Sondakommando für Baranormal's übanomma worn, dös ana dem Objeggd g'orwad hod, um neie Methon' vo da Vaschlüsslung zum endwerfn. Laud de bishärign Aufzeichnunga is d' Exisdänds vo dem Objeggd da Öffendlichgeit zwar bekannd, owa wegn seina obglegna Bositsion gibd's kaum a Indaresse an eahm und döswegn a wenig Aufzeichnunga. Wer des Bauwerg errichd' hod is deshoib ungwiss.
Aus de vo dem Sondakommando für Baranormal's 'borgnen Dogumente gähd hervor, dos SCP-153-DEs Äffegd de Bedroffna ursprüngli zwunga hod, des Objeggd in seim Hoamatdialegd zum b'schreim, bevor da b'nudsde Dialegd mid 'm Beginn vom 20. Joahundad imma öfders zufälli genariead worn is, was vamutli am zuanehmandn Vafoi g'schuid is.
Am Fuaß vo dem Tuam is a gravierde Stoablatten entdeggt worn, de wo vermutlich vo seim Erbaua stamma duad. Ia Tegsd ko genau a so wie de Bschreiwunga vo dem Tuam nua in Dialegdfoam wiedagem' wern und gähd a so:
Ois da Tuam vo Babel errichtd worn und olle Leit Hand in Hand z'sammagoawad ham, hod's da Heagodd mid dem Fluach vo de viel'n Sprocha g'straft.
Owa wos vo vui ois Vawünschung o'gseng wiad, kanntad in Waheid a Mahnung vo Eahm sei. Indem a de Leit ihrane eigna Zunga aufzwunga hod, hod a's dran erinnad, wo's hi g'heard ham. Wo's dahoam san.
Im Angsichd vo dera Grugs, wo uns des Hochdeidsche b'scherd, des wo uns unerbidli des nemma duad, wos uns z'sammabringd, hom ma den Tuam da ois Mahnmoi errichd, a so dass'd niea vagissd, wo'sd amoi heakemma bisd. Wia Ea's voagseng' hod.